Бақытты балалық шақ

21 қараша күні №236 орта мектебінде «Зорлық-зомбылықсыз балалық шақ» атты республикалық науқан аясында мектеп кітапханашысы Н.Н.Абдрахманованың жетекшілігімен «Бақытты балалық шақ» , «Әр бала бақытты балалық шаққа құқылы» атты 5-6 сынып оқушыларының қатысуымен іс-шара өткізілді. Іс-шара барысында балалар қоғамның жағымды және жағымсыз жақтарын сипаттайтын постер жасап, балалық шақтары бақытты болу үшін қоғамның қандай жағымсыз жақтарын бойларына сіңірмей, оны жағымды жақтарын үлгі ретінде алу керектігін айтып өтті. Сонымен қатар, «Жақсылық жасауға асығыңыздар!» атты парақшаға балалар өздерінің ата-аналарына ұсыныстар жасады. Іс-шараның соңында балалардың бақытты балалық шақтарынан үзінді ретінде мұғалім бейнеролик жасап, тағы да бір бақыт сыйлады.